பலி

தண்ணீரில் கழிவுநீர்  கலந்ததால்

14 ஆடுகள் பலி

வேலுார், ஏப். 23–

கே.வி. குப்பம் அருகே, தண்ணீரில்  கழிவுநீர் கலந்ததால் 14 ஆடுகள் இறந்தன.

வேலுார் மாவட்டம், கே.வி. குப்பம் அருகே துருவம் பகுதியை சேர்ந்தவர் ரவி, 50. விவசாயி. இவர் 14 ஆடுகளை வளர்ந்து வந்தார். கடந்த 20 ம் தேதி அருகே உள்ள துருவம் வனப்பகுதியில் மேச்சலுக்கு ஆடுகளை அனுப்பினார். அன்று மாலை திரும்பி வந்த ஆடுகள் அங்கிருந்த கால்வாயில் தண்ணீர் குடித்தது. சிறிது நேரத்தில் வாயில் நுரை தள்ளி 14 ஆடுகள் இறந்தன.

இது குறித்து கே.வி. குப்பம் போலீசில் ரவி புகார் செய்தார். போலீசார் நடத்திய  விசாரணையில், கால்வாயில் கழிவுநீர் கலந்ததால் தண்ணீர் விஷமாகி அதை குடித்த ஆடுகள் இறந்தது தெரியவந்தது. கால்வாயில் கழிவுநீர் கலந்தவர்கள் குறித்து போலீசார் விசாரிக்கின்றனர்.