கொலை

ஆசைக்கு இணங்க மறுத்த

பெண் கொலை

வேலுார், ஏப். 21–

வேலுார் அருகே, ஆசைக்கு இணங்க மறுத்த பெண்ணை கொலை செய்தவரை போலீசார் கைது  செய்தனர்.

வேலுார் மாவட்டம், அணைக்கட்டு அருகே வாழப்பந்தல் கிராமத்தில் உள்ள நிலத்தில் கடந்த 17 ல் காலை 6:00 மணிக்கு தலை நசுங்கிய நிலையில் பெண் பிணம் கிடந்தது. அணைக்கட்டு போலீசார் உடலை கைப்பற்றி விசாரித்தனர். அதில், இறந்து கிடந்தது அல்லேரிமலையை சேர்ந்த மலர், 25, என்பது தெரியவந்தது. இது குறித்து போலீசார் கூறியதாவது:  மலரின் கணவர் குமார் கடந்தாண்டு இறந்து விட்டார். இதனால் மலர் தனியாக வசித்து வந்தார்.

அப்போது அதே பகுதியை சேர்ந்த சண்முகம் கூலித்தொழிலாளி சண்முகம், 30, என்பவருடன் அவருக்கு கள்ளத்தொடர்பு ஏற்பட்டது. இது சண்முகத்தின் மனைவி அம்சாவுக்கு, 25, தெரிந்து விட்டதால் அவர் கள்ள தொடர்பை துண்டித்தார். ஆனால் தன்னிடம் உல்லாசமாக இருக்கும்படி சண்முகம் அடிக்கடி மலருக்கு மிரட்டல்  விடுத்து வந்துள்ளார். மலர் வர மறுத்தார்.

ஆத்திரமடைந்த சண்முகம் கடந்த 16 ல் இரவு வாழப்பந்தல் கரும்பு தோட்டத்திற்கு சென்று அங்கு பணியாற்றிக்கொண்டிருந்த மலரை உல்லாசத்திற்கு அழைத்துள்ளார்.  வர மறுத்ததால் கல்லால் அடித்து அவரை கொலை செய்து அடையாளம் தெரியாமலிருக்க தலைமை நசுக்கினர். இவ்வாறு போலீசார் தெரிவித்தனர்.

போலீசார் சண்முகத்தை இன்று கைது செய்து வேலுார் மத்திய ஆண்கள் சிறையில் அடைத்தனர்.