கறிக்கடையில் அதிமுக வேட்பாளர் ராமு பிரசாரம்

*காட்பாடியில் அதிமுக வேட்பாளர் வி. ராமு தீவிர வாக்கு சேகரிப்பு, கறிக்கடையில் கறி வெட்டி நூதன பிரச்சாரம்!*

காட்பாடி:

வேலூர் மாவட்டம் காட்பாடி சட்டமன்றத் தொகுதியில் தேர்தல் களம் சூடுபிடித்துள்ள நிலையில், அதிமுக வேட்பாளர் வி. ராமு இன்று தனது தொகுதியில் தீவிர வாக்கு சேகரிப்பில் ஈடுபட்டார்.

இன்று  காட்பாடி செங்குட்டை பகுதியில் உள்ள பாரதியார் தெருவில் தனது பிரச்சாரத்தைத் தொடங்கிய வி. ராமு, வீடு வீடாகச் சென்று பொதுமக்களைச் சந்தித்தார். அதிமுக அரசின் சாதனைகளை எடுத்துக்கூறி, இரட்டை இலை சின்னத்திற்கு வாக்கு சேகரித்தார். பொதுமக்களும் அவருக்கு உற்சாக வரவேற்பு அளித்தனர்.

காட்பாடி சித்தூர் சாலையில் உள்ள வணிக வளாகங்கள் மற்றும் கடைகளுக்குச் சென்ற வேட்பாளர், அங்குள்ள கடைக்காரர்கள் மற்றும் வாடிக்கையாளர்களிடம் ஆதரவு கோரினார்.

பிரச்சாரத்தின் ஒரு பகுதியாக, சித்தூர் சாலையில் இருந்த ஒரு ஆட்டுக்கறி கடைக்கு வேட்பாளர் வி. ராமு சென்றார். அங்கு வியாபாரிகளிடம் வாக்கு சேகரித்ததோடு மட்டுமல்லாமல், கையில் கத்தியை எடுத்து ஆட்டுக்கறியை வெட்டி அங்கிருந்தவர்களை வியப்பில் ஆழ்த்தினார். வேட்பாளரின் இந்த நூதன பிரச்சாரம் அப்பகுதி மக்களிடையே பெரும் வரவேற்பைப் பெற்றதுடன்,

இந்த பிரச்சாரத்தின் போது அதிமுக நிர்வாகிகள் மற்றும் கூட்டணி கட்சித் தொண்டர்கள்  கலந்து கொண்டனர்.

செய்தி

A. தினகரன்

செல்:9443403480